السيسي: لو سقطت مصر.. لضاعت الأمة

السيسي: لو سقطت مصر.. لضاعت الأمة

أكد الرئيس المصري عبدالفتاح السيسي، اليوم الخميس، أنه على استعداد القتال إلى جانب أبطال الجيش المصري والشرطة في شمال سيناء. وقال الرئيس المصري، خلال الندوة التثقيفية الـ 27 للجيش المصري تحت عنوان “يوم الشهيد”: “أقسم بالله لو سقطت مصر لضاعت الأمة كلها، وده علشان إحنا 100 مليون، إحنا قلب الأمة، لو عاش هتعيش، لو لا قدر الله توقف مش هتعيش، وإن شاء الله سيعيش هذا القلب، ربنا يجمعنا بيهم أو يجعلنا منهم”.وأضاف السيسي، “إحنا بنحارب خوارج العصر، بنحارب ناس بتسيء إلى مقام الألوهية، مقام الله سبحانه وتعالى، لأن كل دين هو انعكاس للخالق العظيم، فإذا أساء هؤلاء للدين فقد أساءوا لله، ونحن نقاتل من أجل دين الله”.وتابع الرئيس المصري: “لما بطلب من المصريين النظر إلى ما حولهم بيبقى قصدي اعرفوا الثمن اللي بيدفعه الجيش والشرطة، ما رأيتموه في هذه الندوة هم أسر مصرية قدمت أبناءها من أجل أن يعيش 100 مليون آخرون في أمان وسلام، هؤلاء الشهداء والمصابون لهم حق عندنا، وافتكروا ما قلناه منذ نحو 7 سنوات نموت ومحدش يقرب منكم، وشوفوا الكلام ده اتنفذ ولا لا، ما رأيتموه هو تنفيذ هذا الوعد”.وأفاد السيسي، “إن شاء الله نحن على الحق المبين، كل مصري ومصرية، كل شاب وشابة، كل أم وزوجة، كل أب كل أخ كل إنسان كان له أحد في الجيش أو الشرطة، لازم يبقى عنده يقين الشهادة، وأنا مبتكلمش على دول علشان مكسرش خواطر أهل هذه الدول، ولكن مش هقول أسماء، تصوروا ملايين موجودين في معسكرات لاجئين 6 أو 7 سنوات، الطفل اللي كان عنده 8 سنين بقى عنده 15 سنة، يا ترى نفسيته هيبقى عاملة إزاي، يا ترى دينه هيبقى عامل إزاي، مش غالي عليكم يا مصريين إننا نبقى مطمئنين إن مفيش أحد يجرؤ أبداً، وإن شاء الله لن يجرؤ أحد من المساس بكم، طول ما إحنا فينا نفس، طول ما الجيش والشرطة فيهم نفس”.

رابط المصدر للخبر

اترك تعليقاً