أضف الإماراتية بالبلاك بيري PIN:7504162B
بسم الله الرحمن الرحيم ..



أنا بصراحة اترددت اكثر من مره اني انزل الموضوع ، الظلم حرام والساكت عن الحق شيطان أخرس ..

حبيت اوضح انه في مواصلات الامارات في راس الخيمة ظلم كبير .. بتكلم بشكل عام اتمني كلامي يوصل
للمسوؤلين في المركز الرئيسي لمبني مواصلات الامارات في دبي ..

* مشرفات الامن والسلامه يواجهون أسوء الاساليب في المعامله .. هم بشر لو ما كانو محتاجين ماكانو اشتغلو هالشغل
وبآجر بسيط ..

* المسوؤلين في الموسسه مايرآفون بحالهم ابد .. يعني ابسطها انه اهالي الطلاب والطالبات لما تكون في مشكله بسيطه يكبرونها
وتكون مشرفة الامن والسلامة مظلومة .. ومع ذالك مايوقفون مع الحق

* الباصات .. الباص يشيل تقريبا 40 انا شفت الباص مليان تقريبا يوصل عددهم ل 94 طالبه

* الرواتب البسيطة اللي يعطونهم اياها على شو بتساعدهم ، حتى من مديرات المدارس يعاملونهم اسوء المعاملة
كانهم خدم مش مشرفات امن وسلامة .. ومع العلم انه معظم مشرفات الامن والسلامة عدهم الشهادات التعليمية العالية
لكن الظروف اسوء واسوء

* لما تكون في مشكله وتتطلب تدخل من الاداره في المؤسسة ، محد يساعدهم وكلمتهم انه مشاكلكم حلوها بعيد عنا



- اتمني انه كلامي يوصل للمسوؤلين لان الظلم حرام وهم بشر حالهم حال باجي الناس .. كفاية انهم يحافظون على سلامة الطلاب فالباص

لو حد يعرف كيف اقدر اوصل هالتظلم لكبارالمسولين يخبرني ..





ودمتم في حفظ الله ورعايته ..

المصدر : الرمس.نت
الإماراتية للأخبار العاجلة