الآن : الانـستـقـرام علــى الـلاب . . ♥ ’

[s!lent]

السلام عليكم ورحمة الله وبركاته ، ..




من فترة ، حبيت يكون عندي الانستقرام على اللاب ، دورت و دورت لكن بلا جدوى
طبعا كنت أدور فالعربي ، لكن قررت أدور فالانجليزي و لله الحمد حصلت البرنامج ، ..

لكن خلني أقولكم من الحين :
وضوح الانستقرام مب لـ هالدرجة ، .. الشي الزين انك تقدر تحمل الصورة و تنزلها
و هالشي مستحيل ع الاب ، لكن الحمد لله ، الحين صار مب مستحيل .
الشين :
1 - يوم بيقرا واحد تعليق أو شي رح تكون الأحرف متقطعة .
2 - ما يكتب عربي " أعتقد في حل ، بس ماعرف شو هو "
3 - الفوكس ما نقدر نتحكم فيه . إلا إذا كانت شاشة اللاب تتش

طبعا هذي العيوب لأني توه منزلنه ، و يمكن الي ينزلونه عقبي يعرفون حل للمشكلات
و إذا حد عرف حل للمشكلة فـ يخبرنا ، ..

طبعا انتوا لازم تنزلون برنامج ، و من هالبرنامج تنزلون الانستقرام ، . .
و عقب تقدرون تنزلون برامج ثانية بالاضافة للانستقرام .

البرنامج من هنا :
http://www.bluestacks.com/bstk-download-success-2.htm
صراحة برنامج رهيب و فيه برامج رهييبة .

،


الخطوات كلها فـ مقطعين الفيديو : شرح بسيط و مفهوم .

المقطع الأول :

أنا مشيت مع الريال خطوة بـ خطوة لين ما نزل لي البرنامج و نزلت الانستقرام
و نزلت صورة بعد على الانستقرام من اللاب . بس أهم شي تكونون معاه خطوة بخطوة

# فـ المقطع الأول رح يبدا الشرح على أساس انتوا منزلين البرنامج الي حطيتلكم
الرابط فوق ، .. نزلوه و ثبتوه و عقب ابدو بالمقطع الأول :





Brb

[s!lent]

المقطع الثاني :

طبعا مبروك عليكم نزلتوا الانستقرام و سجلتو دخولكم ، .. بس وييت شوي
المقطع الثاني فيه خطوات لازم تتبعونها عشان تقدرون تحطون صورة من اللاب
في الاستقرام ، لأنه لو ما اتبعتو الخطوات فالفيديو الثاني فـ ما بتقدرون تحملون صور
لكن بس بتقدرون تحملون الصور إلي بتصورونها فـ كام اللاب ، .. فـ شوفوا الفيديو
الثاني و اتبعو الخطوات عشان تقدرون تنزلون أي صورة من لابكم .




أي سؤال أو استفسار إن شاء الله بقدر أرد عليكم بـ الي أعرفه .
دمتم بود ، ..

# المنتدى يمكن يكون أول موقع عربي فيه هالمعلومات عن كيفية
تنزيل و تشغيل الانستقرام ، لأني دشيت مليون موقع عربي و كلهم
ع الفاضي ،

الله يحفظكم

[شيخه الهاشمي]

لو سمحتي اختي , انا ما عندي "Simply picture " شو اسوي اللحين :')؟

[s!lent]

السموحه ع التأخير اختي
كنت ادور لج حل ومالقيت صراحه


ماشي غير تجربين هالشي
بالنسبة للـ البرنامج الي فوق :
أحلى شي فيه ان نقدر انزل صورة من اللاب ع الانستقرام
لكن للتصفح فـ أحسه مب شي ، حتى لكتابة التعليقات مب لين هناك
فـ أنا عن نفسي منزله برنامج ثــــانــي :
و هو يعتبر أسهل للتصفح ، و تقدرون تنزلون الصورة الي تبونها ع اللاب
وهالبرنامج ما ينقصه إلا تحميل الصور من اللاب للـ الانستقرام .

أول شي عليكم تحميل برنامج اسمه " pokki "
| https://www.pokki.com |

بعد ما تحملون البرنامج وتثبتونه بتظهر ايقونة البرنامج بجوار ابدا | start
اضغطو عليها و من خلالها بتشوفون عدة تطبيقات . وعاد انتوا اختارو
التطبيقات الي تبونها تظهر على سطح المكتب ، .. أي تطبيق بتنزلونه
بيظهر تحت حذال start و تقدرون تسوون لـ هالبرنامج s leep عشان يخفي
التطبيقات . ، . .

بعد ما تنزلون pokki و تثبتوه و تشوفونه ظهر عندكم تحت حذال الـ start
اضغطوا عليه و بتشوفون هالشي الجميل ^^



ما عليكم إلا تسوون install له ، و بيظهر لكم تحت .
و استخدامه كنكم تستخدمون آيباد أو آيفون و كما ذكرت سابقا
بأن ينقصه بس هو ادراج صورة ، ..

همسة : إذا حد سوا لايك للصورة بيطلع لكم تنبيه صغير أو يتكم اضافة
أو أي شي كله بيوصلكم تنبيهات صغيرة من تحت ^^



الرجاء اتباع الخطوات خطوة خطوة ، مب تطوفون خطوات
،

بعد تحميل برنامج " بلو ستاك " من الرابط الي حطيته فالرد الأول !
أتمنى تحميل شي ثاني إلي هو " pokki " و الرابط في الرد الأول
و عند تحميل " pokki " بتحصلون فيه هالبرنامج



و حملونه


،


بعد ما تحملون البرنامجين



الدايرة الي ع اليسار الي هي حق برنامج " pokki " و نقدر من خلاله
انزل تويتر و غيره من البرامج أما الدايرة الي ع اليمين فـ هي لبرنامج " بلو ستاك "

،


بعد ما تم التنزيل !
دشو الحين " البلو ستاك "



فالزاوية يمين هني تضغطون عشان البحث
نزلوا البرنامجين الي عليهم دايرة

،

عقب ما تنزلونهم :
اضغطوا على الانستقرام و سجلو دخولكم ، مرات ما يطيع يسجل دخول
و يقول فيه أبديت ، . . ان قالكم سالفة أبديت :



تشوفون الخط الأحمر الي فوق !!
جربوا تسحبونه تحت بتحصلون شي ، اضغطوا عليه و سووا أبديت
أن ما طلب أبديت فـ مافي داعي لـ هالخطوة و إن سجل دخول فـ كل شي تمام


،




تضغطون على الأيقونة الي ع اليمين تحت " الي هي الملف الشخصي "
و عقب تضغطون فوق يمين " الي هي أعتقد الاعدادات "

،




عقب تضغطون على الي محددنه فالصورة مال الكيمرا
يوم تدشونه شلوا الصح إذا كانت موجودة

،


الحين نرجع للبرنامج الي قلت لكم عليه فالبداية تنزلونه مع الانستقرام الي هو
OI File Manager
دشوا عليه و بيسألكم هل توافقون و الخ
فـ انتوا وافقوا و سوو " أكسبت أو ما شابه "



،

الحين دشوا صوب " start " و ضغطوا على " pictures "



و حطوا هني الصور الي تبونهم عشان تحميلهم للانستقرام


،

بعد ما تحملون البرنامج
OI File ManageR
نرجع الحين للانستقرام
ونضغط على الكيمرا



،

عقب



عقب



عقب بيفتح لكم البرنامج الي نزلتوه فـ انتوا اتبعوا المسار التالي الي فالأحمر
عشان تحصلون الصور الي حطيتوها فالبكتجر






يعني دشوا نفس الفولدرات الي أنا مصورنها لكم

و بتحصلون الصور نفسها الي حطيتوها انتوا و ضغطوا عليها و كملوا
اجراءاتكم و توكلوا على الله ، ..

انتيهنا الحين من برنامج " بلو ستاك "


،


نرجع لبرنامج " pokki " أنا قلت لكم تنزلون برنامج الانستقرام لأن في هالبرنامج تقدرون
تكتبون عربي أما " بلو ستاك " فـ مايدعم العربية ، ..

يعني تنزلون pokki عقب instagrille
وتسجلون دخلوكم و تقدرون تسوون لايكات و تعلقون بالعربي و أموركم طيبة


شوفوا أنا تعبت ترا ، هههه
أتمنى أكون وفقت فالشرح

شكرا للعضو نصير الفقراء على الشرح




بالنسبة لـ Sample Pictures
اكتبي فالبحث احتمال يطلع لج لانه موجود اوردي ع اللاب

[شيخه الهاشمي]

مشكوره يالغاليه و ما تقصرين , في ميزان حسناتج ♥♥♥

[s!lent]

مشكوره يالغاليه و ما تقصرين , في ميزان حسناتج ♥♥♥

العفو عزيزتي وحياج الله